செயற்கைக்கோள்களுடன் காலை 9.58 மணிக்கு விண்ணில் வெற்றிகரமாக ஏவப்பட்டது..

31 செயற்கைக் கோள்களுடன் இஸ்ரோவின் பிஎஸ்எல்வி சி43 ராக்கெட் இன்று (நவம்பர் 29) விண்ணில் வெற்றிகரமாக ஏவப்பட்டது.

இது இந்தியாவின் HysIS என்ற செயற்கைக்கோளும் பிற 8 நாடுகளைச் சேர்ந்த 30 செயற்கைக்கோளும் தாங்கிச் செல்கிறது.

ஆந்திரம் மாநிலம் ஸ்ரீஹரிகோட்டாவில் உள்ள சதீஷ் தவான் விண்வெளி ஆய்வு மையத்தில் முதலாம் ஏவுதளத்திலிருந்து இதனை விண்ணுக்கு அனுப்ப ஏற்பாடு செய்யப்பட்டுள்ளது.

இதற்கான கவுண்ட் டவுண் (நவம்பர் 28) நேற்று காலை 5.57 மணிக்குத் தொடங்கியது.

வேளாண்மை, வனப்பகுதி, கடலோர பகுதி, உள்நாட்டு நீர் நிலைகள், மண்வளம் மற்றும் ராணுவ உளவுப் பணிக்கு உதவும் நோக்கில் இந்தியாவின் செயற்கைக்கோள் அனுப்பப்படுகிறது.

டிஜிட்டல் இமேஜிங், ஸ்பெக்ட்ரோஸ்கோபி ஆகியவை இந்தியாவின் புவிக் கண்காணிப்பு செயற்கைக்கோளில் உள்ளது.

இந்தச் செயற்கைக்கோளின் எடை 380 கிலோ. மின்காந்த அலைக்கற்றைகளிலிருந்து பூமியைப் பற்றிய தகவல்களை இந்தச் செயற்கைக்கோள் அனுப்பும்.

பிற நாடுகளின் செயற்கைக்கோள்களில் சிறிய மற்றும் நானோ செயற்கைக்கோள்களும் உள்ளன.

அவற்றில் ஆஸ்திரேலியா, கனடா, கொலும்பியா, ஸ்பெயின், ஃபின்லாந்து, மலேசியா, நெதர்லாந்து நாடுகளின் செயற்கைக்கோள்கள் தலா ஒன்றும் அமெரிக்காவின் 23 செயற்கைக்கோளும் அடங்கும்.

இந்நிலையில்பிஎஸ்எல்வி-சி43 ராக்கெட் இன்று காலை 9.58 மணிக்கு விண்ணில் வெற்றிகரமாக ஏவப்பட்டது.