எகிப்து நாட்டில் வரும் மார்ச் மாதம் 26-28 தேதிகளில் அதிபர் தேர்தல் நடைபெற உள்ளதாக தற்போதைய அதிபர் அப்தெல் பட்டா எல் சிசி அதிகாரபூர்வ அறிவிப்பை நேற்று முன்தினம் வெளியிட்டார்.
எகிப்து நாட்டில் வரும் மார்ச் மாதம் 26-28 தேதிகளில் அதிபர் தேர்தல் நடக்கிறது.
இதற்கான அதிகாரபூர்வ அறிவிப்பை தற்போதைய அதிபர் அப்தெல் பட்டா எல் சிசி நேற்று முன்தினம் வெளியிட்டார். இந்த தேர்தலில் தான் இரண்டாவது மற்றும் இறுதிமுறையாக போட்டியிட உள்ளதாகவும் அவர் தெரிவித்தார். அவரை எதிர்த்து முன்னாள் ராணுவ தளபதி சமி அனன் போட்டியிடப்போவதாக நேற்று அறிவித்தார். இது தொடர்பாக அவர் தனது முகநூல் பக்கத்தில் வீடியோ ஒன்றை வெளியிட்டார். அதில் அவர், “தவறான கொள்கைகளில் இருந்து எகிப்து நாட்டைக் காப்பாற்றத்தான் அதிபர் தேர்தலில் நான் போட்டியிடுகிறேன்” என கூறி உள்ளார்.
தேர்தலில் அனைவருக்கு இடையேயும் சம நிலை பராமரிக்கப்பட வேண்டும் என்று அவர் அரசு அமைப்புகளுக்கு வேண்டுகோள் விடுத்து உள்ளார். இந்த தேர்தலில் போட்டியிட விரும்புகிற வேட்பாளர்கள் பதிவு உடனடியாக தொடங்கி உள்ளது. இந்த மாதம் 29-ந் தேதி வேட்பாளர்கள் பதிவு நிறைவு பெறு கிறது.
மார்ச் மாதம் 26-28 தேதிகளில் நடக்கிற வாக்குப்பதிவில் எந்த வேட்பாளரும் 50 சதவீதத்துக்கும் அதிகமான ஓட்டுகளை பெறாவிட்டால், இரண்டாம் சுற்று தேர்தல், ஏப்ரல் மாதம் 24-26 தேதிகளில் நடத்தப்படும் என்பது குறிப்பிடத்தக்கது.
