ஐஎன்எக்ஸ் மீடியா வழக்கில் சிறையில் அடைக்கப்பட்ட கார்த்தி சிதம்பரத்தின் ஜாமீன் மனுவின் மீதான தீர்ப்பை இன்று டெல்லி உயிர்நீதிமன்றம் இன்று வழங்குகிறது.
ஐஎன்எக்ஸ் மீடியா முறைகேடு வழக்கில் முன்னாள் மத்திய நிதி அமைச்சர் ப.சிதம்பரத்தின் மகன் கார்த்தி சிதம்பரம் கடந்த பிப்ரவரி 29ஆம் தேதி சென்னையில் சி.பி.ஐ அதிகாரிகளால் கைது செய்யப்பட்டார். தற்போது விசாரணைக்காக திகார் சிறையில் அடைக்கப்பட்டுள்ளார்.
இதனிடையே அவர் ஜாமீன் கோரி டெல்லி உயர்நீதிமன்றத்தில் மனு தாக்கல் செய்திருந்தார். அவருக்கு ஜாமீன் வழங்கினால் அவருக்கு எதிரான ஆதாரங்களை அழித்து விடுவார் என்று சி.பி.ஐ. எதிர்ப்பு தெரிவித்துள்ளது.
இந்த ஜாமீன் மனு மீது கடந்த 16ஆம் தேதி நடந்து முடிந்த விசாரணைக்குப் பின் நீதிபதி எஸ்.பி. கார்க் தீர்ப்பை தேதி குறிப்பிடாமல் ஒத்திவைத்தார். இந்நிலையில், இன்று அந்த மனுவின் மீதான தீர்ப்பு வெளியாகும் என்று எதிர்பார்க்கப்படுகிறது.
