அசாம் மாநிலத்தில் ரயிலில் குண்டு வெடித்ததில் 11 பேர் படுகாயம் அடைந்தனர்.

அந்த மாநிலத்தின் காமாக்கியாவில் இருந்து தேகார்கான் நகருக்கு சென்ற இண்டர் சிட்டி விரைவு ரயில் உதல்குரி என்ற இடத்தின் அருகே சென்று கொண்டிருந்தது.

அப்போது இரண்டாம் வகுப்பு பயணிகள் பெட்டியில் திடீரென குண்டு ஒன்று வெடித்தது.

இதில் அங்கிருந்த 11 பேர் படுகாயம் அடைந்தனர். குண்டு வெடித்த உடன் ரயில் நிறுத்தப்பட்டது.

காயமடைந்தவர்கள் மருத்துவமனைக்கு கொண்டு செல்லப்பட்டனர். இந்த விபத்து குறித்து போலீசார் விசாரணை மேற்கொண்டுள்ளனர்.