இந்தியாவில் கரோனா தொற்று சமூக பரவல் நிலையை அடைந்து விட்டதாக இந்திய மருத்துவ சங்கம் தெரிவித்துள்ளது.

கரோனா பாதிப்பு தொடர்பாக கருத்து தெரிவித்துள்ள இந்திய மருத்துவ சங்கத்தின் தலைவர் வி.கே. மோங்கோ, கரோனாவால் தினமும் பாதிக்கப்படுவர்களின் எண்ணிக்கை 30,000 தாண்டி பதிவாகி வருவதாகவும், இது மிகவும் மோசமான நிலை என்றும் வேதனை தெரிவித்தார்

முன்பு நகரங்களில் மட்டுமே பரவி வந்த தொற்று, தற்போது கிராமங்களிலும் அதிகளவில் பரவி வருவதாகக் கூறிய அவர், நினைத்ததை விட வேகமாக வைரஸ் பரவுவதாகவும், இந்தியாவில் சமூக பரவல் நிலையை எட்டிவிட்டதாகவும் மோங்கா கூறியுள்ளார்.

சமூகப் பரவல் நிலையை எட்டவில்லை என மத்திய அரசு கூறி வரும் நிலையில் இந்திய மருத்துவ சங்கம் இவ்வாறு தெரிவித்துள்ளது.