அதிமுக ஒருங்கிணைப்பாளர், இணை ஒருங்கிணைப்பாளர் தேர்தலுக்கு தடை கோரி சென்னை உயர்நீதிமன்றத்தில் முன்னாள் எம்.பி கே.சி.பழனிசாமி வழக்கு தொடர்ந்தார்.
இந்த வழக்கு அவசர வழக்காக விசாரிக்க உயர்நீதிமன்றம் ஒப்புதல் அளித்துள்ளது, இன்று பிற்பகல் விசாரணை நடைபெறுகிறது.
முன்னதாக அஇஅதிமுக ஒருங்கிணைப்பாளர் – இணை ஒருங்கிணைப்பாளருக்கான உட்கட்சி தேர்தல் டிசம்பர்-7-ம் தேதி நடைபெறும் என அறிவிக்கப்பட்டது. இன்று அஇஅதிமுக ஒருங்கிணைப்பாளர் – இணை ஒருங்கிணைப்பாளருக்கான உட்கட்சி தேர்தலுக்கான வேட்புமனு தொடங்கியது. ஓ.பன்னீர்செல்வம், எடப்பாடி பழனிசாமி நாளை வேட்புமனு தாக்கல் செய்கின்றனர் என்பது குறிப்பிடத்தக்கது.
