முக்கிய செய்திகள்

ஆசிய கோப்பை கிரிக்கெட் : இலங்கை அணிக்கு அதிர்ச்சி கொடுத்த வங்கதேசம் ..

ஆசிய கோப்பை கிரிக்கெட் தொடரின் முதல் போட்டியில் 137 ரன்கள் வித்தியாசத்தில் வங்காளதேசம் அபார வெற்றி பெற்றது .

14-வது ஆசிய கோப்பை கிரிக்கெட் போட்டி ஐக்கிய அரபு அமீரகத்தில் உள்ள துபாய் மற்றும் அபுதாபியில் நடைபெற்று வருகிறது.

துபாயில் தொடங்கிய முதல் போட்டியில் இலங்கை, வங்காளதேச அணிகள் மோதின. இதில் டாஸ் வென்ற வங்காளதேச அணி பேட்டிங்கை தேர்வு செய்தது.

அந்த அணியின் தொடக்க ஆட்டக்காரர்களாக தமிம் இக்பால், லிடன் தாஸ் ஆகியோர் களமிறங்கினர்.

இறுதியில் வங்கதேச அணி 49.3 ஓவர்களில் அனைத்து விக்கெட்டையும் இழந்து 261 ரன்கள் எடுத்தது.
262 ரன்கள் எடுத்தால் வெற்றி என்ற இலக்குடன் களமிறங்கிய இலங்கை அணி 35.2 ஓவரில் 124 ரன்னுக்கு ஆல் அவுட்டானது.

இதனால் வங்காளதேசம் 137 ரன்கள் வித்தியாசத்தில் அபார வெற்றி பெற்றது.