ஜூன் 7-ம் தேதிக்கு பிறகு, வடக்கு வங்கக் கடலில் காற்றழுத்த தாழ்வுப் பகுதி உருவாக வாய்ப்புள்ளதாக இந்திய வானிலை ஆய்வு மையம் தெரிவித்துள்ளது.
இது தொடர்பாக இந்திய வானிலை ஆய்வு மையம் வெளியிட்டுள்ள அறிவிப்பில் கூறியிருப்பதாவது: தென்மேற்கு பருவக் காற்றால் ஜூன் முதல் வாரத்தில் தமிழகத்தின் உள் பகுதியில் மழைப் பொழிவு அதிகமாவதற்கு சாதகமான சூழல் நிலவுகிறது.
முதல் வாரத்தில் தென்னிந்திய பகுதிகளில் ஓரிரு இடங்களில் கனமழை பெய்யவும் வாய்ப்புள்ளது. 2-வது வாரத்தில் நாடு முழுவதும் பெரும்பாலான இடங்களில் மழை அதிகரிக்கலாம் என எதிர்பார்க்கப்படுகிறது. இந்த மழை காரணமாக 2-வது வாரத்தில் வெப்பநிலை வெகுவாக குறைய வாய்ப்புள்ளது.
மேலும், வடக்கு வங்கக்கடல் பகுதியில் ஜூன் 7-ம் தேதிக்கு மேல் 11-ம் தேதிக்குள், புதிய காற்றழுத்த தாழ்வு பகுதி உருவாக வாய்ப்புள்ளதாக இந்திய வானிலை மையம் அறிவித்துள்ளது.
