சென்னை அருகே போதை மாத்திரை கேட்டு, மருந்துக்கடையை அடித்து நொறுக்கி தகராறில் ஈடுபட்ட 5 இளைஞர்களை போலீசார் கைது செய்துள்ளனர்.
படப்பை பேருந்து நிலையம் அருகே சரவணன் என்பவரது மருந்துக்கடையில், இளைஞர்கள் சிலர் தூக்க மாத்திரை கேட்டு தொல்லை அளித்து வந்துள்ளனர்.
மருத்துவரின் சீட்டு இன்றி மாத்திரை தர மறுப்பு தெரிவிக்கப்பட்டதால், செவ்வாய் இரவு கடைக்குள் நுழைந்து கணினியையும், அங்கிருந்த பொருள்களையும் உடைத்து சூறையாடினர்.
இந்தக் காட்சிகள் அங்கிருந்த சிசிடிவி கேமராவில் பதிவாகியிருந்தன.
