நீதிமன்றம் அமைத்த பொன்.மாணிக்கவேல் தலைமையிலான குழு மீது நம்பிக்கை இல்லை என்று இந்த வழக்கை சி.பி.ஐ.க்கு மாற்ற தமிழக அரசு ஆணை வெளியிட்டுள்ள நிலையில் பொன்.மாணிக்கவேல் மீட்ட சிலைகளின் மதிப்பை இங்கு காணலாம்.
தமிழகத்தில் இருந்து கடத்தப்பட்ட சாமி சிலைகளை மீட்கவும், சிலை கடத்தலை தடுக்கவும் சென்னை உயா்நீதிமன்றம் ஐ.ஜி. பொன்.மாணிக்கவேல் தலைமையில் குழு ஒன்றை அமைத்து கடந்த 2017ம் ஆண்டு உத்தரவிட்டது.
பொன்.மாணிக்கவேல் சிறப்பாக செயல்பட்டு சிலைகளை மீட்டு வருவதாக அண்மை காலமாக ஊடகங்கள் செய்தி வெளியிட்டு வரும் நிலையில், தமிழக அரசு இதற்கு முரண்பாடான நிலைப்பாட்டை எடுத்திருப்பது அதிா்ச்சியை ஏற்படுத்தி உள்ளது.
கடந்த வியாழன் கிழமை இது தொடா்பாக வெளியிடப்பட்ட அரசாணையில், பொன்.மாணிக்கவேல் தலைமையிலான குழு வெளிப்படையின்றி செயல்படுவதாகவும், அவா்கள் மீது நம்பிக்கை இல்லை என்றும் குறிப்பிடப்பட்டுள்ளது.
மேலும் கடந்த ஓராண்டாக வழக்கு தொடா்பாக தமிழக அரசுக்கு எந்தவித அறிக்கையும் தாக்கல் செய்யப்படாததால் வழக்கை சி.பி.ஐ.க்கு மாற்றம் செய்து அரசாணை வெளியிடப்பட்டுள்ளது.
இந்நிலையில் பொன்.மாணிக்கவேல் தலைமையிலான குழு கண்டுபிடித்த சிலைகள் –
திருவண்ணாமலை மாவட்ட கோவில்களுக்கு சொந்தமான ரூ.10 கோடி மதிப்புள்ள 6 சிலைகள்.
அருப்புக்கோட்டை மாவட்ட கோவில்களுக்கு சொந்தமான ரூ.25 கோடி மதிப்புள்ள 3 சிலைகள்.
காஞ்சிபரம், பாலுசெட்டி சத்திரம் கோவிலுக்கு சொந்தமான ரூ.25 லட்சம் பதிப்புள்ள 1 சிலை.
ஈரோடு மாவட்டத்திற்கு சொந்தமான ரூ.5 கோடி மதிப்புள்ள பச்சைக்கல் சிவலிங்க சிலை.
திருவாடானை கோவிலுக்கு சொத்தமான ரூ.3 கோடி மதிப்புள்ள விநாயகா் சிலை.
திருநெல்வேலி மாவட்டம் வீரவநல்லூா் சிவன் கோவிலுக்கு சொந்தமான ரூ.10 கோடி மதிப்புள்ள 2 துவார பாலகா் சிலை.
வேலூா் மாவட்ட கோவில்களுக்கு சொந்தமான ரூ.75 லட்சம் மதிப்புள்ள 4 சிலைகள் கண்டுபிடிக்கப்பட்டுள்ளன.
இவை அனைத்திற்கும் மேலாக கடந்த மே மாதம் தஞ்சை பெரிய கோவிலுக்கு சொந்தமான ராஜராஜ சோழன் மற்றும் அவரது மனைவி லோகமாதேவி சிலைகள் குஜராத்தில் இருந்து மீட்கப்பட்டன.
இதன் மதிப்பு ரூ.150 கோடி என்று கணக்கிடப்பட்டுள்ளது. செப்டம்பா் 2017 முதல் மே 2018 வரையில் அவா் கண்டுபிடித்த சிலைகளின் அடிப்படையில் பொன்.மாணிக்கவேலை ஆன்மீகவாதிகள் பலரும் பலரும் கொண்டாடி வருகின்றனா்.
ஆனால் அவா் மீது நம்பிக்கை இல்லை என்று தமிழக அரசு தொிவித்திருப்பதில் ஏதோ மா்மம் இருப்பதாக பலரும் சந்தேகம் எழுப்பி உள்ளனா்.
