இந்தியாவில் ஒரே நாளில், 19,906 பேருக்கு, கொரோனா பாதிப்பு உறுதி செய்யப்பட்டுள்ளது. இதையடுத்து, பாதிக்கப்பட்டவர்களின் எண்ணிக்கை, 5,28,859 ஆக அதிகரித்துள்ளது.
ஒரே நாளில் 410 பேர் உயிரிழந்ததால் உயிரிழந்தோர் எண்ணிக்கை 16 ஆயிரத்தை தாண்டிய நிலையில், குணடைந்தவர்களின் எண்ணிக்கையும் 3 லட்சத்தை தாண்டியுள்ளது.
இதனிடையே, இந்திய மருத்துவ கவுன்சில் வெளியிட்ட அறிக்கை
நாடு முழுவதும் நேற்று (ஜூன் 27) வரை 82 லட்சத்து 27 ஆயிரத்து 802 பரிசோதனைகள் மேற்கொள்ளப்பட்டுள்ளன.அதில், 2 லட்சத்து 31 ஆயிரத்து 095 பரிசோதனைகள் நேற்று மட்டும் நடந்தது என தெரிவித்துள்ளது.
இது குறித்து, மத்திய சுகாதார அமைச்சகம், வெளியிட்டுள்ள அறிக்கை: ஒரே நாளில், நாடு முழுதும், 19 ஆயிரத்து, 906 பேருக்கு, கொரோனா பாதிப்பு உறுதி செய்யப்பட்டு உள்ளது. இதையடுத்து, பாதிக்கப்பட்டோர் எண்ணிக்கை, 5,28,859 ஆக உயர்ந்துள்ளது. 2 ,03,051 பேர் மருத்துவமனையில் சிகிச்சை பெற்று வருகின்றனர். 3 , 09,713 பேர் குணமடைந்து வீடு திரும்பியுள்ளனர்.
நேற்று ஒரே நாளில் 410 பேர் உயிரிழந்ததை தொடர்ந்து உயிரிழந்தோர் எண்ணிக்கை 16 ஆயிரத்து 095 ஆக அதிகரித்துள்ளது. இவ்வாறு அந்த அறிக்கையில் கூறப்பட்டுள்ளது.