இண்டிகோ விமானத்தில் குண்டு வைத்திருப்பதாக பொய்யான மிரட்டல் விடுக்கப்பட்டதால் மும்பை விமான நிலையத்தில் பரபரப்பு ஏற்பட்டது.
டெல்லி வழியாக மும்பையிலிருந்து லக்னோ புறப்படுவதற்காக ‘இண்டிகோ 6E3612’ விமானம் தயாராக இருந்தது.
அப்போது, விமானத்தில் வெடிகுண்டு வைக்கப்பட்டிருப்பதாக தமக்கு ஃபோன் மூலம் மிரட்டல் விடுக்கப்பட்டுள்ளது என டெல்லி பெண் பயணி ஒருவர் அதிகாரிகளிடம் தெரிவித்தார்.
இதனால் மும்பை விமான நிலையத்தில் சற்று பரபரப்பான சூழல் நிலவியது. இதன்பின், தீவிர சோதனை நடத்தப்பட்டு வெடிகுண்டு ஏதும் இல்லை என்பது உறுதி செய்யப்பட்டது.
பிறகு, அட்டவணைப்படி விமானம் அதிகாலை 6:05 மணிக்கு லக்னோ நோக்கி புறப்பட்டது.
