பதவியேற்புக்கு முதல் நாள் அவரிடம் வந்த ஆளுங்கட்சி தலைவர்களும் அதிகாரிகளும் ஜாதகப்படி நல்ல நேரம் எது என்பதைச் சொல்லி அந்த நேரத்தில் நிகழ்ச்சியை வைத்துக்கொள்ளலாம் என்றார்கள். அதற்கு அவர், “நட்சத்திரங்களும் கோள்களும் தங்களது சுற்று வட்டப்பாதையில் நேராக வருவது, குறிப்பிட்ட நிலைக்கு வருவது என்பதெல்லாம் இயற்கையான நிகழ்வுகள் என்பது எனக்குத் தெரியும். அதற்கும் நல்ல நேரம் என்பதற்கும் சம்பந்தமில்லை. எல்லோருக்கும் வசதியான நேரத்தில் வைத்துககொண்டால் போதும்,” என்று கூறியதாக ஒரு செய்தி வந்தது.

அவரது இந்த அறிவியல் கண்ணோட்டம் சமுதாயத்தில் திரும்பத் திரும்ப சொல்லப்பட்டு பரப்பப்பட்டிருக்க வேண்டும். அதை விடுத்து, எது நடந்ததோ அது நன்றாகவே நடந்தது, எது நடக்கிறதோ அது நன்றாகவே நடக்கிறது என்ற தத்துவ போதனையை மேற்கோள் காட்டினார் என்பதுதான் பரவலாக்கப்பட்டது…

(இமயம் தொலைக்காட்சியின் நெற்றிக்கண் நிகழ்ச்சியில் கலாம் மறைவுச் செய்தி குறித்து நான் கூறியதன் அடிப்படையில்)

– தோழர் குமரேசனின் முகநூல் பதிவில் இருந்து