தமிழக முதல்வர் மு.க.ஸ்டாலினிடம் பிரதமர் மோடி தொலைபேசி வாயிலாக தொடர்புகொண்டு ”தமிழக வளர்ச்சிக்காக தொடர்ந்து பணியாற்றுங்கள்” என்று பிறந்தநாள் வாழ்த்து தெரிவித்துள்ளார்.

தமிழக முதல்வர் மு.க.ஸ்டாலினுக்கு இன்று பிறந்தநாள். அவர் தனது 69-வது பிறந்தநாளை குடும்பத்தினருடன் கேக் வெட்டி கொண்டாடினார். மேலும் பெரியார், அண்ணா மற்றும் கருணாநிதி நினைவிடங்களுக்குச் சென்று மலர்தூவி மரியாதை செலுத்தினார்.
இந்த நிலையில், முதல்வர் மு.க.ஸ்டாலினை தொலைபேசியில் தொடர்புகொண்ட, பிரதமர் நரேந்திர மோடியை தமது பிறந்தநாள் வாழ்த்துகளைத் தெரிவித்து, “தமிழகத்தின் வளர்ச்சிக்காக நீங்கள் தொடர்ந்து பணியாற்ற வேண்டும்” என்று தமது விருப்பத்தைத் தெரிவித்தார். தமிழக முதல்வர், “தங்களின் ஒத்துழைப்புடன் நான் தொடர்ந்து தமிழகத்தின் வளர்ச்சிக்காக உழைப்பேன்” என உறுதியளித்தார்.
கேரள முதல்வர் பினராயி விஜயன் வாழ்த்து: கேரள முதல்வர் பினராயி விஜயன் தமிழக முதல்வருக்கு பிறந்தநாள் வாழ்த்துகள் தெரிவித்துள்ளார். இதுகுறித்து இன்று பினராயி விஜயன் தனது ட்விட்டர் பக்கத்தில் கூறியுள்ளதாவது: இன்று பிறந்தநாள் கொண்டாடும் தோழர் மு.க.ஸ்டாலினை நேரில் சந்தித்து வாழ்த்தினேன். வரலாற்றுச் சிறப்புமிக்க கேரள-தமிழக உறவினை மேலும் வலுப்படுத்தவும், இந்திய அரசியலமைப்புச் சட்டம் உறுதியளித்திருக்கும் உயர்ந்த கொள்கைகளுக்காக அவர் தொடர்ந்து போராடவும் வாழ்த்துகிறேன் என்று பினராயி விஜயன் தெரிவித்துள்ளார்.
தமிழக முதல்வர் மு.க.ஸ்டாலின் பிறந்தநாள் முன்னிட்டு நடிகர் ரஜினிகாந்த். கமல்ஹாசன் ஆகியோர் வாழ்த்து தெரிவித்துள்ளர்.

தமிழக முதல்வர் மு.க.ஸ்டாலின் பிறந்தநாள் இன்று (மார்ச் 1) கொண்டாடப்படுகிறது. தனது 69வது பிறந்தநாளை ஸ்டாலின் தனது குடும்பத்தினருடன் கேக் வெட்டி கொண்டாடினார். தமிழக முதல்வர் ஸ்டாலின் தனதுபிறந்தநாளை யொட்டி பெரியார், அண்ணா மற்றும் கருணாநிதி நினைவிடங்களில் மலர்தூவி மரியாதை செலுத்தினார். பின்னர் சென்னை கலைவாணர் அரங்கத்தில் தனது பிறந்தநாளை முன்னிட்டு மாணவர்கள்,
இளைஞர்களுக்கான திறன்மேம்பாட்டுத் திட்டங்களை ஸ்டாலின் தொடங்கிவைத்தார்.
முதல்வர் மு.க.ஸ்டாலின் பிறந்தநாள் முன்னிட்டு நடிகர் ரஜினிகாந்த், நடிகரும் மக்கள் நீதி மய்யம் கட்சியின் தலைவர் கமல்ஹாசனும்
வாழ்த்து தெரிவித்துள்ளனர்.
ரஜினிகாந்த் தனது ட்விட்டர் பக்கத்தில் கூறியுள்ள வாழ்த்துச் செய்தியில், ”இன்று பிறந்த நாள் காணும் இனிய நண்பர் மதிப்பிற்குரிய
தமிழக முதலமைச்சர் மு.க.ஸ்டாலின் அவர்களுக்கு என்னுடைய மனமார்ந்த வாழ்த்துகள்” என்று கூறியுள்ளார்.

கமல்ஹாசன் தனது ட்விட்டர் பக்கத்தில் கூறியுள்ள வாழ்த்துச் செய்தியில், ஸ்டாலினுடன் உடன் அமர்ந்திருக்கும் படத்தையும்இணைத்து, ”மனதிற்குகந்த நண்பர், தமிழக முதல்வர் @mkstalin பிறந்த நாள் காண்கிறார். எதிர்ப்போர் கருத்துக்கும் இடமளித்து, தன் எண்ணத்துக்கும் செயலுக்கும் வலு கூட்டிச் செயல்படும் அவருக்கு என் நெஞ்சார்ந்த வாழ்த்து. நீடு வாழ்க” என்று
தெரிவித்துள்ளார்.