தமிழகத்தில் இன்று புதிதாக 5 ஆயிரத்து 242 பேருக்கு கரோனா தொற்று உறுதி செய்யப்பட்டுள்ள நிலையில், 67 பேர் உயிரிழந்துள்ளனர்.
தமிழகத்தில் கரோனா வைரஸ் தொடர்பான தகவல்களை மாநில சுகாதாரத்துறை வெளியிட்டது.
அதன்படி, தமிழகத்தில் இன்று 5 ஆயிரத்து 242 பேருக்கு கரோனா தொற்று உறுதி செய்யப்பட்டுள்ளது.
இதனால் மாநிலத்தில் கொரோனா உறுதி செய்யப்பட்டவர்களின் மொத்த எண்ணிக்கை 6 லட்சத்து 51 ஆயிரத்து 370 ஆக அதிகரித்துள்ளது.
வைரஸ் தொற்று பரவியவர்களில் இன்று ஒரே நாளில் 5 ஆயிரத்து 222 பேர் சிகிச்சைக்கு பின் டிஸ்சார்ஜ் செய்யப்பட்டுள்ளனர்.
இதனால் தமிழகத்தில் கரோனாவில் இருந்து குணமடைந்தவர்களின் மொத்த எண்ணிக்கை 5 லட்சத்து 97 ஆயிரத்து 033 ஆக உயர்ந்துள்ளது.
ஆனாலும் வைரஸ் தொற்று தாக்குதலுக்கு இன்று ஒரே நாளில் 67 பேர் உயிரிழந்துள்ளனர்.
இதனால் தமிழகத்தில் வைரஸ் தாக்குதலுக்கு பலியானோர் எண்ணிக்கை 10 ஆயிரத்து 187 ஆக அதிகரித்துள்ளது.
