சீனாவின் நான்ஜிங்கில் உலக பேட்மிண்டன் தொடர் நடக்கிறது. இதன் பெண்கள் ஒற்றையர் பிரிவு மூன்றாவது சுற்றில் இந்தியாவின் பி.வி.சிந்து, தென் கொரியாவின் சுங் ஜி யுனை எதிர்கொண்டார்.
இதில் துவக்கம் முதல் ஆதிக்கம் செலுத்திய சிந்து, முதல் செட்டை 21-10 என மிகச்சுலபமாக கைப்பற்றினார். தொடர்ந்து நடந்த இரண்டாவது செட்டிலும் ஆதித்த்ம் செலுத்திய சிந்து 21-18 என வென்றார்.
முடிவில், இந்தியாவின் பி.வி.சிந்து, தென் கொரியாவின் சுங் ஜி யுனை 21-10, 21-18 என வீழ்த்தி காலிறுதிக்குள் நுழைந்தார்.
இன்று நடந்த காலிறுதிக்கு முந்தைய சுற்றில் இந்தியாவின் நட்சத்திர வீராங்கனை சாய்னா நேவால் – தாய்லாந்தின் ரட்சனோக் இன்டனோனை எதிர்கொண்டார்.
இதில் சாய்னா நேவால் ஆரம்பம் முதல் ஆதிக்கம் செலுத்தி வந்தார். இதில் 21-16, 21-19 என்ற நேர் செட் கணக்கில் சாய்னா வென்றார்.
காலிறுதி ஆட்டத்தில் ஸ்பெயின் வீரர் கரோலின் மரினாவை எதிர்கொள்ள உள்ளார்.
