அதிமுகவைச் சேர்ந்த எம்பி உதயகுமாரின் சொந்த ஊர் நிலக்கோட்டை என்பதால் தினமும் திண்டுக்கல் சென்றுவருவது வழக்கம்.
இன்றும் வழக்கம் போல் நிலக்கோட்டையில் இருந்து திண்டுக்கல் சென்றபோது அழகம்பட்டி என்ற இடத்தில் ரயில்வே கேட் மூடப்பட்டு இருந்தது.
அப்போது ரயில்வே கேட்டை திறக்க சொல்லி கேட் கீப்பர் மணிமாறனிடம் எம்பி உதயகுமார் கட்டளையிட்டுள்ளார்.
அதற்கு கேட் கீப்பர் மணிமாறன் ரயில் வரப்போவதால் தற்பொழுது கேட்டை திறக்க முடியாது என்று கூறியுள்ளதாகத் தெரிகிறது.
அதற்கு எம்பி உதயகுமார், ‘ நான் எம்பி சொல்கிறேன். கேட்டை திறந்து விட்டு அதற்கப்புறம் மூடு” என்று கட்டளையிட்டுள்ளார்.
ஆனால் மணிமாறனோ, ”கேட்டை மூடினால் ரயில் வந்த சென்ற பின்னர்தான் திறப்போம். அதுதான் விதி முறை, அதை மீறி திறக்க முடியாது” என்று கூறியுள்ளார்.
அதனால் ஆத்திரமடைந்த அதிமுக எம்பி உதயகுமார் கேட் கீப்பர் மணிமாறனை தாக்கிவிட்டு தன்னுடன் வந்த ஆட்கள் மூலமாக கேட்டை திறக்க சொல்லி சென்றதாக தகவல் வெளியாகியுள்ளது.
இதனால் டென்ஷன் ஆன மணிமாறன் ரயில்வே ஊழியர்களை வரவழைத்து ரயில்வே கேட்டை மூடாமல் போராட்டத்தில் ஈடுபட்டார்.
இதனால் மதுரையில் இருந்து திண்டுக்கல் நோக்கி சென்ற பயணிகள் ரயில் பாதியில் நின்றது. சம்பவ இடத்திற்கு வந்த போலீசார் ரயில்வே ஊழியர்களிடம் விசாரணை நடத்தினார்கள்,
அதுபோல் மணிமாறனிடம் பேச்சுவார்த்தை நடத்தினார்கள் அப்படி இருந்தும் ரயில்வே ஊழியர் சமாதானம் ஆகவில்லை.
தற்போது திண்டுக்கல்லில் ஒரு தனியார் மருத்துவமனையில் சிகிச்சை பெற்று வந்த உதயகுமார் பின்னர் மதுரை சென்று மருத்துவமனையில் சிகிச்சை பெற்று வருகிறார்.
